Айбат » Коррупцияга түрткөн Түлеевди да жоопко тартуу керек

Сиз кийинки беттесиз: Башкы бет » Саясат » Коррупцияга түрткөн Түлеевди да жоопко тартуу керек

Түлеев НариманБишкектин мурдагы мэри Нариман Түлеев мамлекеттин миллиондорун сугунуп алып темир тор артында отурат эмеспи? Бул киши ал жакта да жөн отурбай уурдап алган акчаларын ар кимге берип, сотторду да коррупцияга түртүп жатканы ачыкталды. Албетте, пара алган кызматкер жоопкерчиликке тартылат, бирок ири суммадагы жашылбайларын көрсөтүп мамлекеттик кызматкерлерди азгырган Түлеевдин да жоопкерчилиги болушу керек да. Чындыгында акыркы кездери коррупцияга каршы күрөш катуу жүрүп келет. Дал ушул Түлеевдин 200 миң долларына көзү кызарган депутат Хажимурат Коркмазов мурда күнү кылтакка илинди. Кандай болгон күндө да Коркмазов жазасын алары турган иш. Ал эми бул окуяда Наримандын да кандайдыр бир деңгээлде күнөөсү бар. Элдин мүлкүн “оптом” мүлжүп алып, эми кайра анын жоопкерчилигин тартууга келгенде, башкаларды да коррупцияга түртүп атканы туура кадамбы? Акыйкаттыкты акча менен издеген заман артта калганын түшүнүшүбүз абзел. Бүгүн биз коррупцияга каршы айыгышкан күрөш ачып, өлкөбүздү мындай өнөкөт оорулардан арылтуу жолунда баратабыз.

Айбат гезити №137




Башка окшош макалалар:

Комментарий калтыруу

Башкы бет | Саясат | Коом | Маек | Экономика | Кызыктар дүйнөсү | Шоубиз | Газета архиви | Байланыш
© 2015 Айбат.kg сайтында жайгашкан материалдар окуп-таанышуу үчүн гана арналган жана жалпыга таратуу «Айбат.kg» сайтынын жазуу түрүндөгу уруксаты менен гана мүмкүн.
Материалдарды көчүрүп алууда «Айбат.kg» сайтына шилтеме сөзсүз жазылуусу керек.
Сайт жаңылыктарына жазылууСайттагы комментарийлерге жазылуу
Designed & powered by bekturb VIB
Рейтинг@Mail.ru