Айбат » Канкор Бакиев китеп жазгандын балекетин алабы?!

Сиз кийинки беттесиз: Башкы бет » Саясат » Канкор Бакиев китеп жазгандын балекетин алабы?!

Курманбек БакиевӨз элинен куулган, учурда Минскиде бөгүп жаткан канкор президент Курманбек Бакиев “Боль, любовь и надежда: Мой Кыргызстан” аттуу китебинин бет ачарын өткөрө турганы кабарланды. Минскте жөн жатпай өзүнүн арманын кагазга түшүргөн го сыягы. Бирок, КурСалиевич  китеп жазып, ойду-тоону сүйлөгөнчө элден кечирим сурап, күнөөсүн бир аз болсо да жеңилдете берсе болмок. Анын китебин жакындары да окубашы бештен белгилүү. Өз элине ок чыгарган Бакиевдин “жөө жомогуна” акыл-эси жайында адамдар ишенбеши аштан бышык. Эгер иниси Жаныш Бакиевдин Медет Садыркулов баштаган үч адамды кантип өлтүргөнү, кыргыздын тыңчыкма уулдары кантип жок кылынганы, уулу Максим Бакиев менен Марат Бакиевдин Кыргызстандын, кыргыз элинин байлыгын талап-тоногону, инилеринин өзүмбилем саясаты, үй-бүлө ичиндеги чатактары тууралуу жазганда элдин баары тытып окумак. Бирок, Бакиев китебине өзүн жана жакындарын мактап, актануу үчүн эле жазат  эмеспи. Канткен күндө да, миң томдуу китеп жазса да Бакиевдер кыргыздардын жүрөгүндө канкор, кан ичкич президент катары кала берет.

Айбат гезити №151 (23.10.2015)




Башка окшош макалалар:

Комментарий калтыруу

Башкы бет | Саясат | Коом | Маек | Экономика | Кызыктар дүйнөсү | Шоубиз | Газета архиви | Байланыш
© 2015 Айбат.kg сайтында жайгашкан материалдар окуп-таанышуу үчүн гана арналган жана жалпыга таратуу «Айбат.kg» сайтынын жазуу түрүндөгу уруксаты менен гана мүмкүн.
Материалдарды көчүрүп алууда «Айбат.kg» сайтына шилтеме сөзсүз жазылуусу керек.
Сайт жаңылыктарына жазылууСайттагы комментарийлерге жазылуу
Designed & powered by bekturb VIB
Рейтинг@Mail.ru