Айбат » «Бөлтүрүктөр» карышкырга айланып, «Ата Мекенди» «жей» баштадыбы?

Сиз кийинки беттесиз: Башкы бет » Саясат » «Бөлтүрүктөр» карышкырга айланып, «Ата Мекенди» «жей» баштадыбы?

Болот Шер

2010-жылдагы парламенттик шайлоонун астында «Ата журт» партиясынын төбөлү Камчыбек Ташиев түштүктөгү райондордун биринде жолугушуу өткөргөндө: «Биз азыр «бөлтүрүкбүз». Кийин карышкыр болуп Текени («Ата мекен» партиясынын төрагасы Өмүрбек Текебаевди айтканы) жейбиз» маанисинде күпүлдөгөнүн журналист журтчулугу жакшы эле чуулдатышкан.

Эми ошол «бөлтүрүктөр» карышкыр болуп, «ата мекенчилерди» четинен «жей» башташыптыр. Буга Бишкек шаардык соту тарабынан акталып, алдыда Жогорку соттун чечимин күтүп жаткан «ата журтчу» Камчыбек Ташиев, Садыр Жапаров жана Талант Мамытовдун Таластагы сапарын мисалдасак жарашат.

6-июлдагы жергиликтүү тургундар менен жолугушуу ойдогудай өтпөгөн соң «Ата мекендин» лидерлеринин бири Болот Шер үч кесиптешин Чоң-Капка айылында ойда коноктогонун угуп жакабызды кармадык.

Табиятынан жолборс мүңөздүү Болот Шер «мокогонбу» же «мародер-гейт» чатагынан шайы ооп, эртең эмне болуп кетер экен деп кооптонгонбу, айтор, «ата журтчуларга» жагынып, таман жылкы союп мейманчылаганына түк түшүнбөдүк. Же эмне, Шер 2008-жылы Түптөгү Жапаров уюштурган «жумуртка операциясын», 2010-жылкы парламенттик шайлоонун алдындагы карышкырга айланып, «ата мекенчилерди» четинен «жейбиз» дегенин эсинен чыгарганбы? Унутпаса керек. Андай болсо Болот Шердин мындай «сыйчылдыгын» келечекти көздөп иш кылган аракети катары кабылдасак болчудай. Бирок, «эки тоонун чөбүн эңсеген эчки» арам өлөрүн Шердин эсине салып коелу…



Башка окшош макалалар:

Комментарий калтыруу

Башкы бет | Саясат | Коом | Маек | Экономика | Кызыктар дүйнөсү | Шоубиз | Газета архиви | Байланыш
© 2013 Айбат.kg сайтында жайгашкан материалдар окуп-таанышуу үчүн гана арналган жана жалпыга таратуу «Айбат.kg» сайтынын жазуу түрүндөгу уруксаты менен гана мүмкүн.
Материалдарды көчүрүп алууда «Айбат.kg» сайтына шилтеме сөзсүз жазылуусу керек.
Сайт жаңылыктарына жазылууСайттагы комментарийлерге жазылуу
Designed & powered by bekturb VIB
Рейтинг@Mail.ru