Айбат » Келечекти кантип куруу керек? Же өзүн-өзү өнүктүрүү

Сиз кийинки беттесиз: Башкы бет » Коом » Келечекти кантип куруу керек? Же өзүн-өзү өнүктүрүү

кадам

“Ар бир адам өзүнүн жашоосу үчүн өзү гана жооп берет, жана баардыгына өзү гана күнөөлүү” деп бекеринен айтылбаса керек. Жана дагы мындай сөз бар “Жараткандын, пендесине маселе (проблема) бергени, бул белек бергени”. Себеби ошол келген маселелерди, кыйынчылыктарды жеңип чыгуу менен гана ийгиликтерге жетебиз, социалдык деңгээлибизди жогорулатабыз. Эгерде жашоодо эч кандай тоскоолдуктар болбой турган болсо, кандай максат менен жашаар элек? Мисалга алсак, өмүр бою жакырчылыкта жашаган үй-бүлөнүн баласы кедейликтен тажап, акыры жакшы окуп, акча табуунун адал жолун таап, көптөгөн ийгиликтерге жетишкен көрүнүштөр бизде ас эмес. Натыйжада “жакырчылык” деген тоскоолдук жакшылыкка алып келип жатат.

Бай болуу – бул жакшы эмеспи? Албетте жакшы. Акча көптөгөн жакшылыктарга жол ачат. Бир гана кыйынчылык, аны туура, адал жолго пайдалануунун жолун билиш керек.

“Туура пайдаланууну” кандай түшүнсө болот? Албетте элге, жакырларга, ата-энеси жокторго жана башка ага муктаж адамдарга жардам берүү, ишкана ачып, элди жумушсуздуктан арылтуу, бул – туура пайдалануу. Өзүбүздүн акыл эсибизди өстүрүш үчүн, ден-соолугубузду чыңдаш үчүн кеткен акча да туура жолго сарпталды деп эсептелет. Себеби, адам заты дайыма өсүп-өнүгүүнүн үстүндө. Бир деңгээлде тура берүү бул – замандан артта калуу.

Мындай айтылган сөз бар, “ар бир тоскоолдуктардын артынан, мурдагыдан да жогорураак жакшылыктар күтүлүшү мүмкүн”. Жакырчылык бул тоскоолдук, аны жеңүү менен биз байып жатабыз. Демек, жашоодогу социалдык абалыбыз жогорулап жатат. Албетте, мурдагыдан да жогорураак жакшылыка ээ болуп жатабыз.

План түзүү. Тоскоолдуктарды жеңүү.

Планды тынч жана эч кимди алаксытпай турган жерден түзүү керек. Эгерде, мүмкүн болсо, жай аспаптагы музыканын үнүн астараак кылып коюп койсо да жардам болот.

Биринчиден, тоскоолдукту душман катары эмес, жакшы жашоого үндөөчү түрткү катары карашыбыз керек. Анткени, ал чындыгында ошондой. Тоскоолдуктардан коркуу, бул максатыңыздан баш тартуу.

Экинчиден, кылык-жоругубузду жана жүрүш-турушубузду башкарууга үйрөнүү. Бул боюнча китептерди окуу, изденүү. Себеби, адамдын сырткы келбети жана сүйлөө маданияты анын жашоосу үчүн абдан чоң роль ойнойт. Адамдардын бири-бирине болгон мамилеси жүрүм-турумга, сүйлөө маданиятына, кийинген кийимине жана кебетесине жараша түзүлөт. Биздин алып жүрүүбүз кандайдыр бир деңгээлде маани берилип, айрымдар мамиле түзүүдөн баш тартып коюшу толук мүмкүн. Эч болбоду дегенде таза жүрүү керек.

Үчүнчүдөн, жок дегенде эки жыл алдыга карап, так жана даана белгилүү максат коюу зарыл. Аны кагаз бетине түшүрүп, мүмкүн болсо күнүнө үч, же андан көп жолу окуп туруу. Бул убактттын пайдасыз нерселерге кетпеши үчүн жардам берет. “Ар бир кыймылымды максатымды ишке ашыруум үчүн кылам” деген сөздү тез-тезден кайталоону көнүмүш адат кылуу оң.

Сиз түзгөн план келечекте ойлогондой болбой калышы мүмкүн. Ошондуктан аны туура түзүү керек. Ал үчүн төмөнкү суроолор жардам берет; Менин эмнеге шыгым бар? Келечекте өзүмдү кандай адам элестетем? Ал үчүн эмне кылуум зарыл? Тандаган кесибим боюнча ким мага жардам бере алат? (Албетте өзүңүздүн суроолоруңуз жаралса, аларга да жооп берүү жакшы болот).

“Сураганды билбеген адам” болбошуңуз керек. Ал адам да түшүнөөр сиздин абалыңызды. Максатсыз магдырап жүргөндөн көрө, кандай болбосун максат түзүү дурусураак. Дагы бир эскертмечимин, бардыгын кагаз бетине түшүрүү зарыл, жана да эртең менен, түштө, кечинде жатаарда окууну адат кылыңыз.

Албетте, бул жашоодо идеалдуу, баарын туура кылган адам жок. Ошондуктан жогорудагы мисалдарда кемчилик болушу мүмкүн.

Айбат гезити №46



Башка окшош макалалар:

Комментарий калтыруу

Башкы бет | Саясат | Коом | Маек | Экономика | Кызыктар дүйнөсү | Шоубиз | Газета архиви | Байланыш
© 2013 Айбат.kg сайтында жайгашкан материалдар окуп-таанышуу үчүн гана арналган жана жалпыга таратуу «Айбат.kg» сайтынын жазуу түрүндөгу уруксаты менен гана мүмкүн.
Материалдарды көчүрүп алууда «Айбат.kg» сайтына шилтеме сөзсүз жазылуусу керек.
Сайт жаңылыктарына жазылууСайттагы комментарийлерге жазылуу
Designed & powered by bekturb VIB
Рейтинг@Mail.ru