Айбат » Ак-Сууда аялдардын жатак үйүндөгү абал тууралуу дооматтар негизсиз экени аныкталды

Сиз кийинки беттесиз: Башкы бет » Коом » Ак-Сууда аялдардын жатак үйүндөгү абал тууралуу дооматтар негизсиз экени аныкталды

Ак-СууЫсык-Көл облусунун Ак-Суу районундагы аялдардын психоневрологиялык жатак үйү боюнча арызда көргөзүлгөн дооматтар аныкталган жок. Ысык-Көл облусунун Ак-Суу районундагы аялдардын психоневрологиялык жатак үйүндө август айында Бишкектен келишкен «Психикалык ден соолук жана коом» деген коомдук уюму келип текшерүү жүргүзгөн. Текшерүүнүн жүрүшүндө төшөктө турбай жаткан оорулуулар каралбай денеси бышып кеткени белгилүү болгон. Мындагы оорулуу аялдарды фермерлерге жумушка беришет, каза болгондорду туугандарына кабарлабай, сөөгүн медициналык текшерүүдөн өткөрбөй көмүп коюшат деген жыйынтык чыгарышкан. Анын жыйынтыгы боюнча уюмдун өкүлдөрү Башкы прокуратурага арыз менен кайрылышкан. Ошого байланыштуу курамында облустук мамлекеттик администрациясынын, Акыйкатчынын Ысык-Көл облустук өкүлчүлүгүнүн, облустук ҮДБ, облустук СЭС кызматкерлеринен түзүлгөн комиссия арыз боюнча текшерүү жүргүзүшкөн. Акыйкатчынын Ысык-Көл облустук өкүлчүлүгүнүн маалыматында, арызда көргөзүлгөн дооматтар аныкталган жок. Арыз негизсиз жазылган. 20-сентябрда Жогорку Кеңештин укук коргоо комитетинин төрагасы Э.Алымбеков баштаган төрт депутат, тийиштүү мамлекеттик мекемелердин кызматкерлери, Акыйкатчынын Ысык-Көл облусундагы өкүлү катышкан ЖКнын укук коргоо комитетинин көчмө отурумун Теплоключенко айылында өткөрүштү.

Көчмө отурумдун катышуучулары тарабынан бул маселеге акыркы чекит коюлду. Ак-Суу райондук психоневрологиялык аялдардын жатак үйүндөгү абал тууралуу башкы прокуратурага жазылган арыздагы дооматтар негизсиз экени тастыкталды.

Айбат гезити №49



Башка окшош макалалар:

Комментарий калтыруу

Башкы бет | Саясат | Коом | Маек | Экономика | Кызыктар дүйнөсү | Шоубиз | Газета архиви | Байланыш
© 2013 Айбат.kg сайтында жайгашкан материалдар окуп-таанышуу үчүн гана арналган жана жалпыга таратуу «Айбат.kg» сайтынын жазуу түрүндөгу уруксаты менен гана мүмкүн.
Материалдарды көчүрүп алууда «Айбат.kg» сайтына шилтеме сөзсүз жазылуусу керек.
Сайт жаңылыктарына жазылууСайттагы комментарийлерге жазылуу
Designed & powered by bekturb VIB
Рейтинг@Mail.ru