Айбат » Махабат ыргагы

Сиз кийинки беттесиз: Башкы бет » Коом » Махабат ыргагы

Рысалиев Рахатбек РыспековичМахабат гүлү

Махабаттын гүлүн терип арнайынчы,

Ар бирин бирден алып санайлычы.

Саналып бүтпөсө менин гүлүм,

Ошончолук болуп берсин сизге сүйүм.

 

Жашоонун сырлары

Бул жашоонун табышмагын чече аламбы,

Тагдырдын татаалдыгын жеңе аламбы.

Ушул бойдон жашоонун сырларын,

Чече албай, жеңе албай мен каламбы.

 

Издегеним табылды

Бул жашоодон издегеним табылды,

Табылды жүрөгүмдүн жарымы.

Жүрөгүмдүн жарымы сиз өзүңүз,

Арналса дейм мага сиздин сүйүүңүз.

 

Аккуу

Көл жээгинде басып жүргөм мен өзүмчө,

Аккуу көрдүм сүзүп жүргөн көл үстүндө.

Сулуулугу  ушунчалык суктандырды,

Өзүнө жүрөгүмдү арбап алды.

 

Сүйүү

Асмандан жамгыр себелеп,

Таң зары мага эркелеп.

Сүйүүмө сүйүү коштуруп,

Бир өзүңө жетелеп.

Түбөлүк сүйүү арнайын,

Арманда мен да калбайын.

 

Сен өлсөң мен да кошо
өлүп берген

Көл үстүндө аккуу сүзөт унчукпаган,

Келегой деп бир өзүмө кол сунбаган.

Болойунбу кароолчу эч бир жанга тийгизбеген,

Өз сүйүүңдү өзүңө кошуп берген.

Жээ аккуубу жаныңда сүзүп жүргөн,

Сен өлсөң мен да кошо өлүп берген.

 

Сүйдүм сени

Сүйдүм сени сүйөө берем ар дайым,

Сени мага арнап берсе кудайым.

Түбөлүккө кол кармашып экөөбуз,

Аккуу болуп көл үстүндө сүзөбүз.

 

Көздөрүңө сулуулугуң тартылган

Күлүм сүрөп күлүп койчу садагам,

Күлкүңө жаз майрамы катылган.

Карагаттай көздөрүңө кадалам,

Көздөрүңө сулуулугуң тартылган.

Айдай нурду жамалыңа багынам,

Сенин атың жүрөгүмө жазылган.

 

Сагыныч

Сагыныч жан дүйнөмдү ээлеп алды,

Жүрөгүмдү кусалыкка байлап салды.

Асманга канат кагып учкум келет,

Учурбайт төрт дубал камап жанды.

 

Эгер азыр канат менде пайда болсо,

Колдоп турчу түнкүсү айым болсо.

Сен тарапка учуп барып канат менен,

Асманга алып учуп бир өзүңдү,

Сагынычым тарамак анда кенен.

 

Түн ичи

Түн ичи салкын жел журуп,

Уйкуңа сонун түш кирип.

Таң алды күндүн нуруна,

Тургунун сенда жылмайып.

 

Жүзүңдү көргүм келет

Кеч киргенде тоо койнуна күн кирип,

Сагыныч менен кусалыка кол сунуп.

Таң зарын көргүм келет тезирек,

Күн нурунун жебесине жабышып,

Жүзүңдү көргүм келет эртерек.

 

Таң алды

Махабат түн жылдызын жамынып,

Кара көз бир өзүңдү сагынып.

Түшүбүздө биргелешип экөөбүз,

Таң алды күндүн нурун күтөбүз.

 

Чыдай албайм

Жүрөгүмдө сүйүү нуру күндө тийет,

Көңүлүмдө күн бүркөлүп ойго чөгөт.

Чыдай албайм,

бир орунга жөн туралбайм,

Тирүүлөй жан дүйнөмдү жерге көмөт.

 

Күнү-түнү майрам эле

Алгачкы биз жолуккан күндөр эсте,

Бир кайрылып барсам дейм ошол кезге.

Махабаттын таттуу күнүн таткан кезде,

Жан дүйнөмдө күнү-түнү майрам эле.

 

Сен жана мезгил

Жүзүң аппак Кыштын аппак карындай,

Жытың жыттуу Жаз айынын гүлүндөй.

Көркүң сулуу Жайдын кечки түнүндөй,

Сөзүң мукам Күздүн салкын желиндей.

 

Сен жана мен

Сен барда менда бармын бул дүйнөдө,

Сен жокто менда жокмун бул өмүрдө.

Сен кубансаң менда кошо кубанам,

Сен кайгырсаң менда кошо кайгырам.

Сени менен бүт өмүрүм байланып,

Калдың окшойт жүрөгүмө камалып.

 

Элестер

Элестетем биз өткөргөн күндөрдү,

Өткөргөн махабаттуу түндөрдү.

Кол кармашып,

Кучакташып,

Бал татыган эриндерди өпкөндү.

 

Элестетем мага айткан сөзүңду,

Кулагымда шыбыр эткен үнүңдү.

Булбул сымал  мукам күлкүңдү.

Асмандагы айдай  нурдуу жүзүңдү.

 

Жүрөгүмдү ала кеттиң өзүң менен,

Сагынычты калтырыпсың мени менен.

Сагыныч сагындыго жүрөгүн,

Айтып койчу сагынычтын сүйөрүн.

 

Таарынба

Таарынба менин айткан сөзүмө,

Таарынба жашын төккөн көзүмө.

Жан дүйнөмдө кайгы муун болгон кезде,

Адат болду арманымды айтмай сизге.

Болоор болду кайрылбайт өткөн күндөр,

Болоор болду айтылбайт өткөн сөздөр.

Менин сүйүүм үмүт шамын өчүрө албайт,

Сенин сөзүң сезимимди өлтүрө албайт.

 

Күтөм

Күтөм сени күтө берем ар дайым,

Күн батып ай асманга чыкмайын.

Сүйөм сени сүйөө берем ар дайым,

Кудай талам өз сүйүүсүн алмайын.

 

Рахатбек Рысалиев

Айбат гезити №70




Башка окшош макалалар:

Комментарий калтыруу

Башкы бет | Саясат | Коом | Маек | Экономика | Кызыктар дүйнөсү | Шоубиз | Газета архиви | Байланыш
© 2014 Айбат.kg сайтында жайгашкан материалдар окуп-таанышуу үчүн гана арналган жана жалпыга таратуу «Айбат.kg» сайтынын жазуу түрүндөгу уруксаты менен гана мүмкүн.
Материалдарды көчүрүп алууда «Айбат.kg» сайтына шилтеме сөзсүз жазылуусу керек.
Сайт жаңылыктарына жазылууСайттагы комментарийлерге жазылуу
Designed & powered by bekturb VIB
Рейтинг@Mail.ru