Домой Саясат Аялдын артынан сая түшкөн “Кыргызстан”

Аялдын артынан сая түшкөн “Кыргызстан”

3

Кыргызстан партиясыУчурда “Өнүгүү-Прогресс” партиясынан талапкер Нургазы Айдаров Жогорку Сотко кайрылып, мандат алуу жанталбасын көрүп атканы маалым. Буга улай Алишер Сабировдун жубайы да “Өнүгүү-Прогрессти” соттон сотко сүйрөп жүрү.

“Кыргызстан” партиясынын ичинде да чуу көтөрүлүп, №8 талапкер Г.Орозалиеваны жашырынып жаткан жеринен таап алып, коркутуп-үркүтүп атышыптыр. Ал эми партиянын негиздөөчүсү Шаршенбек Абдыкеримов Канатбек Муратбеков менен Арзыбек Кожошевди сызга отургузуунун амалын көрүп, БШКга ат тезегин кургатпай каттап калганы неси? Ал үчүн, БШКнын бир мүчөсүнө акчалай сыйлык да сайганбы?

Биз партиялардын ички ашканасындагы чырдын бир өңүтүн гана тизмектедик. Мандат талаш аяктаган соң папке талаш башталат. Накта чыр ошондо уланчудай түрү бар. Кызыктар али алдыда…

Айбат гезити №151 (23.10.2015)