Домой Экономика Сатыбалдиев министрлерден каражаттын сарпталышы боюнча толук отчетту талап кылат

Сатыбалдиев министрлерден каражаттын сарпталышы боюнча толук отчетту талап кылат

7

жанторо сатыбалдиев2013-жылдын башынан бери республикалык бюджеттин жалпы ресурсу 49,5 млрд сомду түздү. Бул өткөн жылга салыштырмалуу 8 млрд сомго көп. Бул тууралуу премьер-министр Жантөрө Сатыбалдиев республикалык бюджеттин киреше жана чыгаша бөлүгүн аткаруу боюнча жумушчу жыйында билдиргенин өкмөтттүн аппаратынын маалыматтык саясат бөлүмү билдирди.

Финансы министри Ольга Лаврова коргоо алынган беренелер өз убагында каржыланып атканын премьер-министрге маалымдады. 29-июлга карата коргоого алынган беренелерге 35 млрд 742 млн сом сарпталганын айтты. Бул өткөн жылдын ушул маалына салыштырмалуу 2 млрд сомго көп.

“Ар бир ведомствонун жетекчиси республикалык бюджеттен алган каражатты кайда жумшаганын көргөзүшү керек”,- деди Сатыбалдиев.